English | دری

افغانستان و تاجکستان خواهان توسعه روابط اقتصادی می باشند

افغانستان و تاجکستان خواهان توسعه روابط اقتصادی می باشند

عتیق الله عاطف مل، معین اداری وزارت امور خارجه جمهوری اسلامی افغانستان در حاشیه نشست انجمن سرمایه گذاری سازمان همکاری اسلامی برای کشورهای آسیای میانه در شهر دوشنبه/ تاجیکستان با جلالتمآب امام علی رحمان، رئیس جمهوری تاجیکستان ملاقات نمود.

در ابتدا، رئیس جمهور به هیأت افغانی خوش آمدید گفته، تشکیل حکومت جدید وحدت ملی در افغانستان را به آن ها تبریک گفته اضافه کرد که ثبات و امنیت افغانستان با جمهوری تاجیکستان گره خورده است. ایشان از روابط دوستانه و برادرانه تاریخی و همکاری های اقتصادی میان افغانستان و تاجیکستان یادآوری کرده، تأکید نمود تا این روابط توسعه و تقویت بیشتری یابد.

بعداً، جناب عاطف مل مراتب تشکری خویش را برای دعوت ابراز نموده و پیام دوستی و برادری رئیس جمهور و رئیس اجرایئه دولت و حکومت جدید وحدت ملی را به جلالتمآب امام علی رحمان، رئیس جمهوری تاجیکستان تقدیم نمود.
همچنان محترم عاطف مل بر دوستی صمیمانه و صادقانه میان دو کشور و روابط گسترده در عرصه های مختلف تأکید نموده، از توجه خاص جلالتمآب رئیس جمهور تاجیکستان به جمهوری اسلامی افغانستان به خصوص در بیانیۀ افتتاحیۀ جلالتمآب شان در نشست انجمن سرمایه گذاران ابراز تشکری نمودند.

در جریان این دیدار، رئیس جمهور تاجیکستان از نقش مهم چین به صفت قدرت اقتصادی بزرگ جهانی در همه ساحات و عرصه ها مانند- مبارزه با تروریزم بین المللی و افراط گرایی منطقوی، تأمین امنیت، صلح و ثبات در منطقه و همکاری های اقتصادی و تجارتی منطقوی میان کشورهای منطقه یادآوری نمود. ایشان افزود که همکاری های اقتصادی، تجاری و امنیتی چین برای افغانستان، تاجیکستان و کشورهای منطقه از اهمیت خاص و فراوانی برخوردار است. ایشان از اهمیت روابط کشورهای منطقه با آیالات متحده امریکا و پاکستان نیز سخن گفت. جلالتمآب شان روی پروژه های احداث راه آهن در مسیر تاجیکستان- افغانستان- پاکستان الی بندر گوادر و کار پروژه برق کاسا (CASA-1000) صحبت نموده گفت که تکمیل این پروژه ها می تواند سبب توسعۀ تجارت و تقویت اقتصادی میان افغانستان- تاجیکستان و پاکستان شود.

Share on FacebookTweet about this on TwitterShare on Google+Share on TumblrEmail this to someone


بدون نظر

نظر بدهید
هنوز نظری داده نشده! !اظهار نظر در مورد این پست اولین کسی باشید که

نظر بدهید

آدرس پست الکترونیکی شما منتشر نخواهد شد.
علامت گذاری شده اند*